Miratimi urgjent i strategjisë për barazi gjinore, miratimi i Ligjit për barazi gjinore, vendosja e shërbimeve funksionale inspektuese që parandalojnë shfrytëzimin dhe diskriminimin e punëtoreve dhe trajtim me vëmendjen e duhur nga ana e institucioneve ndaj viktimave kërkuan sot aktivistet për të drejtat e grave të cilat në mesditë marshuan në Shkup, me rastin e Ditës ndërkombëtare të gruas – 8 Marsi, përcjell Nistori.
“Me respekt për fitoret e deritanishme të grave për barazi gjinore, por të vetëdijshme për mangësitë e përditshme sistematike që kërcënojnë ekzistencën tonë si të lira, të barabarta, dinjitoze dhe të sigurta. Ky 8 Mars shënon varfërinë e grave, të mundësuar nga sistemi, dhe të thelluar si pasojë e pandemisë dyvjeçare me Covid-19 dhe pasojat e saj. Ne po marshojmë sepse një vend ku gratë nuk përfshihen si të barabarta është një vend ku nuk ka përparim. Një shoqëri në të cilën gratë janë të papuna dhe të ripunuara, të pambrojtura, të viktimizuara, të objektivizuara dhe të privuara nga të drejtat e tyre është një shoqëri e varfër,” thonë nga Rrjeti Kombëtar Kundër Dhunës ndaj Grave dhe Dhunës në Familje dhe Platforma për Barazi Gjinore në vigjilje të 8 marsit – Ditën e Gruas.
“Ne nuk kemi nevojë për lule, ne duam të drejta”, “Stop dhunës ekonomike kundër grave” dhe “Drejtësia sociale”, ishin mesazhet që jehonin në një marshim për të drejtat e grave që organizatorët e quajtën “Varfëria ka fytyrë gruaje”.
Në Republikën e Maqedonisë së Veriut, diferenca në shkallën e punësimit mes burrave dhe grave është dy herë më e madhe se mesatarja europiane dhe ndër më të lartat në Evropë, paralajmëroi Rrjeti.
Sipas tyre, hendeku i papunësisë mes burrave dhe grave është aq i lartë sa 20 vjet më parë.
Ata theksuan se gjatë pandemisë Covid-19, gratë ishin ato që studionin me fëmijët e tyre në baza ditore ndërsa shkollat ishin të mbyllura dhe nënat rrezikoheshin të humbnin punën kur fëmijët e tyre qëndronin në shtëpi për shkak të kopshteve të mbyllura.
Bojana Jovanovska nga Komiteti i Helsinkit për të Drejtat e Njeriut tha se Kuvendi është i vetmi vend ku përmes kuotës gjinore është rritur përfaqësimi i grave, por me shpërndarjen e Kuvendit gjatë pandemisë ka kontribuar që gratë të mungojnë në proceset e vendimmarrjes dhe masat e ndjeshme gjinore për t’u përballur me krizën.
Sipas saj, zgjedhjet lokale janë një tjetër humbje për gratë të cilat, siç theksoi, në katër vitet e ardhshme do të përjashtohen nga proceset vendimmarrëse në nivel lokal.
Marshimit iu bashkua edhe ministrja e Punës dhe Politikës Sociale, Jovanka Trencevska. /Nistori/
