Është e rëndësishme që njerëzit të mbajnë përgjegjësi për veprimet e tyre, tha ambasadorja amerikane Angela Ageler. Ajo për ish-zëvendëskryeministrin Artan Grubi, i dyshuar në rastin e “Lotarisë së Shtetit”, tha se nuk ka asnjë koment për atë që po ndodh me Grubin, por tha se është e rëndësishme që njerëzit të mbajnë përgjegjësi për veprimet e tyre, përcjell Nistori.
“Nuk e di ku është. Unë mendoj se është e rëndësishme që njerëzit të mbajnë përgjegjësi për veprimet e tyre dhe shpresoj që ai (Grubi) të jetë një prej tyre,” tha Ageler.
Grubi është arratisur jashtë vendit dhe për të është lëshuar një urdhër. Fillimisht ai deklaroi veten se ishte në Kosovë dhe se do të kthehej, por kjo nuk ndodhi. /Nistori/
