OJQ “Eco Guerilla” në zgjedhjet e fundit lokale të vitit 2017, i ftoi kandidatët e atëhershëm për kryetar të komunës së Tetovës të nënshkruajnë pesë përkushtime ndaj tetovarëve, duke u zotuar se nëse zgjidhen në pozitën e kryetarit të Komunës së Tetovës do t’i përmbahen transparencës fiskale, pastrimi me ujë i rrugëve në të gjithë qytetin, zgjidhja efikase rrugore – transporti publik, funksionimi i rreptë i inspektoriatit komunal ekologjik dhe Kazerma e Tetovës të shndërrohet në park të qytetit, shkruan Nistori.
Nga “Eco Guerilla” pyesin kryetaren e Tetovës, Teuta Arifin pse nuk i ka realizuar këto katër pika dhe se qytetarët duhet të vlerësojnë se sa vlen nënshkrimi i kryetares aktuale.
Përndryshe, zgjedhjet lokale në RMV do të mbahen më 17 tetor të këtij viti, ku do të garojë Teuta Arifi nga radhët e BDI-së, Vullnet Murseli – ASH, Bilall Kasami – Lëvizja Besa dhe Sadi Bexheti – PDSH. /Nistori/