Një vajzë 10-vjeçe, mbijetoi në një natë një stuhie të fuqishme – ku qëndroi zgjuar duke përqafuar qentë.
Vajza kishte shkuar nga shkolla në Ugelgorsk në ishullin rus Sahalin, por nuk kishte arritur të mbërrijë deri në shtëpi, pasi ai rajon u godit nga një stuhi e fuqishme dhe reshjet e mëdha të borës dhe erërat që frynin me 80 kilometra në orë.
E kur u vërejt mungesa e saj, filloi operacioni i kërkim-shpëtimit. Autoritetet kompetente dhe banorët lokalë u fokusuan në “gjahun” me qentë, pasi vajza ishte parë duke luajtur me një qen pikërisht një natë para se të zhdukej.
Prindërit e saj kanë thënë se vajza e tyre i do shumë kafshët. E një vullnetar e gjeti të nesërmen duke qëndruar pranë qenve që i përqafonte për t’u ngrohur.
Vogëlushja është dërguar menjëherë në spital për kontroll – nga ku është konstatuar se gjendja e saj shëndetësore është stabile.
