Alexander Schallenberg është kancelari i ri i Austrisë

    Alexander Schallenberg është betuar si kancelar i ri i Austrisë pas dorëheqjes së Sebastian Kurz mes pretendimeve për korrupsion.

    Sipas mediave të huaja, ish-ministri i Jashtëm u emërua zyrtarisht nga presidenti austriak Alexander Van der Bellen në Pallatin Hofburg në Vjenë të hënën.

    Schallenberg, 52 vjeç, ka qenë ministër i jashtëm i Austrisë që nga viti 2019.

    Duke folur të dielën në mbrëmje, Van der Bellen tha se puna e qeverisë do të vazhdonte pas dorëheqjes së Kurz.

    “Kjo krizë qeveritare ka mbaruar… Dhe puna për vendin tonë mund të vazhdojë. Falënderoj Sebastian Kurz. Me lëvizjen e tij, ai e mbajti dëmin larg dhe dha një kontribut të rëndësishëm në integritetin e institucioneve tona”, ka thënë presidenti austriak.

    Kurz dha dorëheqje të shtunën pasi prokurorët filluan hetimin e tij dhe anëtarëve të ekipit të ngushtë mbi pretendimet se paratë e qeverisë u përdorën midis 2016 dhe 2018 për të siguruar mbulim pozitiv në media./Telegrafi/

    Lajmi Paraprak

    Nga Bukowski e deri te Picasso, 17-të hapësira frymëzuese të krijuesëve të famshëm

    Lajmi i rradhës

    Bosch: Serbia e ndihmuar nga Lajcak po shton presionin ndaj Kosovës për Asociacionin

    Lajme tjera

    Bashkohu

    Informohu në kohë