Policët e SPB Tetovë dje nga ora 19:30 deri në ora 22:00, pas kontrollit në një lokal në Tetovë, kanë arrestuar gjashtë persona. Gjatë kontrollit të realizuar me urdhër gjyqësor, u janë gjetur 25 paketime me kokainë dhe marihuanë.
Sipas policisë, nga liria janë privuar N.S. (31) G.S (24), S.A (33) nga Tetova, M.A (37) nga fshati Poroj, S.S (29) dhe S.S (36), që të dy nga Shemshova dhe pronarë të lokalit.
Të arrestuarit janë mbajtur në stacion policor dhe pas dokumentimit të rastit kundër tyre do të parashtrohet kallëzim penal.