Sot në samitin e nismës “Open Balkan” në lidhje me pikat e bashkëpunimit në ekonomi, turizëm, njohjen e diplomave, kryeministri i Shqipërisë Edi Rama ka thënë se “Ballkani i hapur është burrë, Europa e bashkuar është nusja”.
Rama: Dy fjalë për këtë dasmën e radhës. Sa herë afrohet Këshilli Europian përgatitemi për dasmë. Nëse do ndodhë do shkojmë me rrobat e rastit, nuk do shpenzojmë për banketin në pritje për krushqit, e na ngelet nusja në derë. Po këtë herë na mbetet dhëndri, dy metra si zdap i gjatë.
Dhe në këtë rast le ta themi “Ballkani i hapur është burrë, Europa e bashkuar është nusja”. Duke qenë burri, dhe burrë me gjithë këto histori, është problem i madh, por ne e kemi të qartë rrugën tonë. Do e ndërtojmë këtu Europën dhe pastaj kur ata të duan të bëjnë dasmën jemi gati.
Ndaj i themi Maqedonisë së Veriut, mos u mërzisni, nuk ju marrin. Edhe Bullgaria një burrë me problem është, ne shqiptarët jemi në rregull nëse duan dasmë, këtu jemi, nëse s’duan, prap këtu jemi. Është koha t’i japim fund stresit. Edhe Bullgaria do e hedhë këtë kukull do gjejë një kukull tjetër. Bisedat do mbyllen kur kryeministri i bullgarisë do jetë gjysh duke shkruar kujtime. Një gjë dua t’ju them: dikur kur shkoja në Bruksel shkoja të merrja kurajo, tani më duket sikur do i jap kurajo atyre. Sot me vjen keq që I shoh aty. Shkojmë i japim energji sepse Ballkani nuk vdes po ky I hapur aq më pak. Serbia nuk do ikë në ndonjë planet tjetër, as Bosnja, do vijojë të ziejë po këtu është. BE me të parë me të bërë, BE na bëjnë ata, po E-në Europian e kemi vetë.
Ndryshe, sot është dita e dytë e samitit në Ohër dhe pjesëmarrës janë Maqedonia e Veriut, Serbia, Shqipëria dhe Mali i Zi sapo i është bashkangjitur kësaj nisme. /Nistori/
