Deputetët e Bashkimit Demokratik për Integrim nuk do të mbështesin propozimet për ministra në qeverinë teknike që do të jenë nga radhët e VMRO-DPMNE-së.
Ky vendim i BDI-së vjen pasi kryetari i VMRO-DPMNE-së Hristijan Mickoski paraprakisht theksoi se Talat Xhaferi nuk e meriton mbështetjen e VMRO-DPMNE-së për kryeministër teknik dhe në interes të një atmosfere të mirë dhe procesit demokratik partia do të përmbahet nga votimi.
Kryeministri dhe kryetari i LSDM-së, Dimitar Kovaçevski, sot në një deklaratë për media tha se pozitat që me ligj i takojnë opozitës në qeverinë teknike duhet të mbeten bosh derisa VMRO-DPMNE ta votojë atë qeveri.
