Agjendat reformuese të Maqedonisë së Veriut, Shqipërisë, Serbisë, Malit të Zi dhe Kosovës janë miratuar në kuadër të Instrumentit të ri për reforma dhe rritje në vlerë prej 6 miliardë euro, të njohur si Plani i rritjes për Ballkanin Perëndimor, bën të ditur në rrjetin “X”, presidenca hungareze pranë BE-së.
“Agjendat e reformave të Shqipërisë, Kosovës, Malit të Zi, Maqedonisë së Veriut dhe Serbisë u miratuan në përputhje me Instrumentin e ri për Reforma dhe Rritje, me vlerë gjashtë miliardë euro”, thuhet në njoftim.
Kjo, shtohet, hap rrugën për fillimin e parafinancimit gjatë presidencës hungareze.
“Mbështetja për integrimin e Ballkanit Perëndimor mbetet një prioritet kyç i presidencës hungareze”, përfundon njoftimi.
