Bexheti: Kasami të kërkojë falje, në të kundërtën do ta padis për shpifje

    Shpifje, i ka quajtur deklaratat e kryetarit aktual të Tetovës, Bilal Kasamit, ish kryetari Sadi Bexheti ku thotë se “intervenimi i Policisë Financiare në Komunën e Tetovës ka të bëjë me keqpërdorimet gjatë mandatit të Bexhetit si i pari i Tetovës”.

    Bexheti ka ftuar Kasamin që publikisht të kërkojë falje, në të kundërtën ka paralajmëruar se do të parashtrojë padi për shpifje kundër tij në Gjykatë”.

    “E ndjej të domosdoshme për të dalë para jush dhe për të demantuar deklaratën e kryetarit të Tetovës në ditën e djeshme në lidhje me akuzat ndaj personalitetit tim dhe parregullsitë financiare të konstatuara nuk kanë të bëjnë me periudhën e qeverisjes sime. Ftoj kryetarin e Komunës që të informohet siç duhet përpara se të bëj deklarata të tilla punlike. Nëse i njëjti nuk bënë demantimin e deklaratave të tilla, unë do të jem i detyruar t’i drejtohem Gjykatës me padi për shpifje ndaj meje”, tha Bexheti.

    Ai gjithashtu ka deklaruar se dëshiron t’i bindë qytetarët e Tetovës se ka qeverisur me nderë.

    “Unë kam qeverisur me nder dhe deklarata e kryetarit të Tetovës ka qenë thjeshtë një keqkuptim, e cila duhet të përgënjeshtrohet nga ai” tha Bexheti.

    Ndërkaq, dje Policia Financiare ka kryer kontrolle në Komunën e Tetovës, siç u tha, “për disa lëndë të ish-kryetarit të Komunës së Tetovës, Sadi Bexheti”. Kryetari i sapo zgjedhur i Tetovës, Bilall Kasami këtë e quajti presion politik, pasi që siç shton, në 8 vite sa në krye të komunës së Tetovës ka qenë Teuta Arifi, Policia Financiare nuk ka gjetur kohë që t’i procedojë lëndët.

    Nga Drejtoria e Policisë Financiare. Përmes një kumtesë me shkrim thonë se punojnë në mënyrë të paanshme dhe kërkohet që rasti të mos politizohet./TV21/

    Lajmi Paraprak

    Polonia mbështet Maqedoninë e Veriut për fillimin e bisedimeve në dhjetor

    Lajmi i rradhës

    Ishulli që është i ndaluar për njerëzit

    Lajme tjera

    Bashkohu

    Informohu në kohë