Projektimi për rritjen e ekonomisë së vendit prej 3.9% bazohet në supozimet e rimëkëmbjes së ekonomisë globale, thonë në emisionin “Magazina Ekonimike”, guvernatorja e BPM-së, Anita Angellovska Bezhovska.
“Lidhur me rimëkëmbjen e ekonomisë globale, FMN-ja parashikon se atë vit do ketë rritje prej rreth 6% që është rritje solide. Ne jemi ekonomi e hapur e tregut dhe në masë të madhe zhvillimet e brendshme varen nga lëvizjet globale. Por, nëse ekonomia globale, e sidomos partnerët tonë më të rëndësishëm tregtarë rimëkëmben me dinamikë më të ngadaltë se sa e presin tani, kjo do paraqesë rrezik edhe për rimëkëmbjen e ekonomisë sonë”.
Ajo shtoi se denari me vite është stabil dhe nuk ka pse të mos jetë stabil. Niveli i rezervave devizore aktualisht është dy herë më i lartë se ato që dispononte vendi gjatë krizës globale në vitet 2008/2009.
“Rezervat devizore, të cilat janë faktor kyç nga i cili varet stabiliteti i denarit ndaj euros, mbahen në nivel historikisht të lartë… 2008-2009, kur u përballëm me krizën globale financiare, niveli i rezervave devizore ishte rreth gjysma e asaj që kemi sot. Kjo tregon se kapaciteti i shtetit për t’u përballur me çdo goditje është i madh,” ka thënë Bezhoska.