Deputetja Ilire Dauti ka reaguar ndaj kryetarit të ASh-së Arben Taravari, i cili pak më herët kërkoi mbështetjen e partisë që në zgjedhje partia të shkojë me opozitën shqiptare. Dauti thotë se lirinë e vendimarrjes së anëtarësisë nuk e këmbejmë me asgjë, përcjell Nistori.
”Propozimet jepen në Kryesi dhe aty merren vendimet, pastaj nëse kalojnë aty i përcillen Kuvendit Qendror. I vetmi propozim që ka kaluar në Kryesi të cilin edhe vetë e keni votuar është: Aleanca për Shqiptarët të dalë e vetme në zgjedhje. Aq shumë keni folur për demokraci dhe kundër diktaturës, sonte bëre të kundërtën. Ta ruajmë Aleancën për Shqiptarët dhe vlerat tona që i ndërtuam ndër vite”, shton Dauti.
Gjithashtu, qëndrimi i kryetarit të Kuvendit Qendror të ASh-së, Ziadin Sela ishte që partia të shkojë e vetme në zgjedhje, pas ky ishte edhe vendim i kryesisë qendrore. Sela kritikoi Taravarin për shkelje të statutit të partisë. /Nistori/
