Një letër me nënshkrime të deputetëve të VMRO-DPMNE-së i është dërguar ambasadorit të BE-së David Geer me një kërkesë për t’u zotuar për të ruajtur pavarësinë e Gjykatës Kushtetuese. Siç thonë nga atje, partia në pushtet LSDM dëshiron të partizojë këtë instancë gjyqësore me stafin e saj të partisë, përcjell Nistori.
“Në kuvend është në procedurë zgjedhja e gjyqtarëve kushtetues dhe qëllimi i qeverisë është që të zgjedhë zyrtarë të lartë të partisë LSDM, konkretisht sekretaren aktuale të përgjithshme të parlamentit, Cvetanka Ivanovska dhe Vasko Talevski, avokat dhe deri vonë anëtar të Bordit Ekzekutiv të LSDM-së dhe anëtar i tanishëm i Organizatës Komunale të LSDM-së-Manastir”, thonë nga partia.
Me zgjedhjen e mundshme të Ivanovës dhe Talevskit si gjyqtarë kushtetues, vlerësojnë deputetët, Gjykata Kushtetuese do të zhvlerësohet dhe partizohet, gjë që do të cenojë pavarësinë e këtij organi, e cila mbron kushtetutshmërinë dhe ligjshmërinë dhe kontrollon degët legjislative dhe ekzekutive.
Nga VMRO-DPMNE thonë se Ivanova nuk ka përvojë praktike në gjyqësor dhe se ajo njihet si deputete e vjetër nga radhët e LSDM-së dhe bartëse e disa posteve institucionale. /Nistori/
