Projektligji i VMRO-DPMNE-së, për rendin dhe qetësinë ne publik, sipas partisë, ngushton rrethin rreth atyre që krijojnë rreziqe nëpërmjet keqpërdorimit dhe përdorimit të paligjshëm të mjeteve piroteknike, veçanërisht në ambiente të mbyllura.
Nga VMRO-DPMNE njoftojnë se po fuqizohen rregulloret për përdrorimin e fishekzjarreve dhe ngjarjeve të ngjashme që përdorin eksploziv.
“Nëpërmjet kësaj zgjidhje ligjore po zgjerojmë edhe kompetencat e policisë. Një mekanizëm përmes të cilit do të mundësojmë kontroll më të madh të përdorimit të eksplozivëve, si dhe zbatim më të shpejtë dhe më efikas të këtij ligji. Kjo është vetëm një nga zgjidhjet ligjore që do të bëjë përmirësime të rëndësishme për rritjen e sigurisë. Në periudhën e ardhshme në kuvend do të kalojnë edhe propozime të tjera që janë përgatitur gjatë 2 javëve të fundit. U bëj thirrje të gjithë kolegëve të mi deputetë, pa marrë parasysh përkatësinë politike, ta përkrahin këtë projektligj, sepse është një ndryshim thelbësor që na tangon të gjithve”, tha Toni Jarevski, deputet i VMRO-DPMNE-së.
Në zjarrin e rënë në diskotekën “Pulse” më 16 mars 2025, jetën e humbën 59 persona, midis të cilëve 6 të mitur, u lënduan 196 persona të cilët trajtohen brenda dhe jashtë vendit.
