Zëdhënësja e VMRO-DPMNE-së, Marija Miteva në konferencë për shtyp deklaroi se kanë kaluar gjashtë ditë nga dita kur humbën jetën 45 qytetarë, ndërsa pushteti ende nuk ka përgjigje se kush duhet të japë përgjegjësi.
Sipas saj, kjo tragjedi dëshmoi sistemin jofunksional të vendit dhe se tragjedia vërtetoi se në Maqedoni çdo institucion udhëhiqet me lëshime, keqpërdorime, krim dhe korrupsion.
“Opinioni duhet të merr përgjigje në pyetjen nëse dhe sa herë MPB ka paraqitur vërejtje në Inspektoriat për autobusët e “Besa Trans”, ndërsa insepktorati nuk ka ndërmarrë asgjë. Nëse MPB ka dorëzuar një vërejtje, pse nuk publikohet në opinion”, thotë Miteva.
Ajo shtoi se qytetarët po kërkojnë përgjegjësi, ndërsa partia e saj kërkon përgjigje dhe përgjegjësi, por edhe masa të jashtëzakonshme.
