“Me kryeministrin e Kosovës kemi takime të rregullta, qoftë kur kemi qenë në opozitë, qoftë tash kur jemi në fazën e formimit të qeverisë, thjesht është një komunikim vëllazëror mes neve, tha Afrim Gashi nga Vlen pas takimit me kryeministrin e Kosovës, Albin Kurti.
I pyetur se si po shkojnë bisedimet me VMRO-DPMNE-në për formimin e qeverisë, Gashi tha:
“Është bukur mirë, jemi në rrugë shumë të mbarë. Besojmë se shumë shpejtë do të dalim me rezultate shumë konkrete dhe të mira për shqiptarët në përgjithësi, por edhe për shtetin dhe për rajonin”, deklaroi Gashi.
