Nga Aleanca për Shqiptarët thonë se, ka dy ditë që tymi i zi nga djegia e deponisë helmohen banorët e Llabunishtës, e gjitha kjo e dëshmuar edhe nga rezultatet e matjes së ndotjes së ajrit, njofton Nistori.
“Me siguri të gjithë fare mirë i mbani mend fjalët (si gjithmonë) boshe të kryetarit të komunës në lidhje me guroret dhe deponinë në Llabunishtë. Po ç’ndodh sot realisht? Ka dy ditë që tymi i zi nga djegia e deponisë helmon banorët lokal dhe jo vetëm, e gjitha kjo e dëshmuar edhe nga rezultatet e matjes së ndotjes së ajrit. Lind pyetja: sa janë kompanitë koncesionere? Po transparencë në dhënien e kontratave të koncesioneve vallë a ka patur? Po inspektorati i ambientit jetësor a po e kryen punën e tij?”
Sipas ASh-së, hipokrizia e BDI-së dhe kuazi “Agjenda e Gjelbërt” e tyre po mban peng shëndetin e banorëve të Llabunishtit dhe më gjerë. /Nistori/