Arjanit Hoxha nga Lëvizja Besa ka reaguar ndaj deklaratës së liderit të opozitës maqedonase Hristijan Mickoski se dëshiron të takohet me Kovaçevski para takimi me liderët tjerë, Hoxha ka theksuar se ai kështu po pozicionet kundër shqiptarëve, përcjell Nistori.
“Nëse analizon me vëmendje deklaratat e kryetarit të VMRO-DPMNE: njëherë propozimi i modelit të Kushtetutës kroate dhe tani kërkesa e tij për një qeveri te unitetit maqedonas, lë të nënkuptohet se ai po pozicionihet shumë hapur kundër shqiptarëve si populli i dytë më i madh në vend. Me këtë mendësi politike për të kthyer majorizimin ndaj shqiptarëve në shtet, nuk e di se cilët shqiptarë do t’i gjen për të qeverisur vendin në rast se ndonjëherë merr mandatin për qeverisje, a besoj të jetë i vetdijshëm se pa shqiptarët ai nuk mund të qeverisë me shtetin. Qeveria ka plot gabime që duhet të kritikohet, prandaj opozita maqedonase duhet të fokusohet në luftën kundër krimit dhe korrupsionit shtetëror dhe jo fokus kryesor të ketë se si të shtypë dhe izolojë shqiptarët në vend, gjë që për fat të keq e demostron edhe në komunat ku udhëheqin kuadrot e VMRO-DPMNE”, ka shkruar Hoxha.
Sipas Hoxhës, shteti ndodhet në momentet kyçe ku stabiliteti politik, kohezioni ndëretnik dhe orientimi pro-perëndimor janë granaca e vetme për të garantuar paqen dhe stabilitetin në vend dhe rajon. /Nistori/
