Edicioni i fundit i Indeksit të Korrupsionit-2021, që publikohet nga “The Trace International”, e sjell Nistori, tregon që Maqedonia e Veriut renditet në vendin e 81-të, ndërsa kërcënimi i korrupsionit në sektorët më të rëndësishëm mund të vlerësohet si relativisht mesatar. Bëhet fjalë për raportin vjetor që vlerëson gjendjen e korrupsionit në 194 vende bazuar në ryshfetin në biznes/ekonomi – në fushën e vlerësimit të ndërveprimeve të biznesit me qeverinë – parandalimin dhe zbatimin e luftës kundër ryshfetit – transparencës së Qeverisë dhe Shërbimit Civil – kapaciteti për Mbikëqyrjen e Shoqërisë Civile.
Përndryshe, TRACE international është një shoqatë biznesi e njohur globalisht që i përkushtohet luftë ndaj korrupsionit dhe promovimin e qeverisjes së mirë dhe pajtueshmërisë, sjell të dhëna të tilla edhe për Ballkanin, konkretisht edhe Maqedoninë e Veriut.
Indeksi shpalos rrezikun e ryshfetit në biznes në 194 ekonomi të botës.
Sipas të dhënave të këtij viti, Maqedonia e Veriut është në vendin e 81-të në indeks dhe ka gjithsej 44 pikë, po aq sa ka edhe Vanuatu, Peru, Montenegro dhe India.
Në sferën e vlerësimit të ndërveprimeve të biznesit me Qeverinë, Maqedonia e Veriut vlerësohet me notën mesatare prej 46 pikësh. Kurse në parandalimin dhe zbatimin e luftës kundër ryshfetit Kosova vlerësohet me një notë mesatare prej 48 pikësh.
Sa i përket transparencës së Qeverisë dhe Shërbimit Civil, Maqedonia e Veriut ka marrë një rezultat mesatar prej 45 pikësh.
Poashtu në lidhje me kapacitetin për Mbikëqyrjen e Shoqërisë Civile në indeksin e korrupsionit, Maqedonia e Veriut është vlerësuar me 38 pikë. Pas RMV-së janë Sao Tome dhe Principe, Kolumbia dhe Jordani.
Vendet tjera të Ballkanit me rrezikun më të ulët të ryshfetit, ku Shqipëria radhitet në vendin e 110-të, Kosova në vendin e 93-të, Serbia në vendin e 106-të, Bosnja dhe Hercegovinë në vendin e 132-të.
Tri vendet e para nga vlerësimet në indeks (me rrezikun më të ulët të ryshfetit) janë Danimarka, Norvegjia dhe Suedia.
Tri vendet e fundit (me rrezikun më të lartë të ryshfetit) janë Eritrea, Turkmenistani dhe Koreja e Veriut. /Nistori/