Aleanca për Shqiptarët nëpërmjet një komunikate për media njofton opinionin se do të mbështes protestën kundër kazinos afër çerdhes “Teteks” në Tetovë. ASh kundërshton hapjen e kazinove dhe lojërave të fatit në vendet e banuara dhe në afërsi të institicioneve arsimore, fetare, edukative dhe institucioneve, përcjell Nistori.
“Publikisht, ftojmë të gjithë anëtarët, sipmatizantët e Aleancës për Shqiptarët, si dhe të gjithë qytetarët e Tetovës dhe jo vetëm, pa dallime partiake që të martën në ora 14:00 në mënyrë masovike, të marrin pjesë në protestën e organizuar nga qytetarët dhe mbështetur nga Lëvizja Anti-Bixhoz. Kjo protestë dhe kjo rezistencë ndaj dukurive devijuese është obligim për të gjithë ne, që të parandalojmë degradimin dhe devijimin e fëmijëve dhe familjeve tona”, thonë nga ASh.
Ata shtojnë se beteja e Aleancës për Shqiptarët do të vijojë edhe në institucione, me qëllim për të ndryshuar Ligjin për lojërat e fatit, si dhe ditëve në vazhdim do të dorëzohet amendamente për t’i larguar kazinot dhe bixhozin jashtë vendbanimeve. /Nistori/
