Një 42-vjeçar nga Vrapçishta ka marrë kallëzim penal për ndërtim pa leje. Nga MPB thonë se inspektori i ndërtimit ka konstatuar se në pronën e 42-vjeçarit është ndërtuar pa leje.
“SPB-Tetovë ka paraqitur kallëzim penal kundër H.R.(42) nga fshati Vrapçishtë për shkak të ekzistimit të dyshimit për kryerjen e veprës penale “ndërtim pa leje”. Ai në tetor të vitit 2022, në rajonin e fshatit Gallatë, komuna e Vrapçishtës, në vendin e quajtur “Gradishtë”, në parcelën e tij ka ndërtuar një mur betoni pa pasur lejen përkatëse nga organi kompetent”, thonë nga SPB.
Një gjë e tillë është konstatuar gjatë kontrollit nga inspektori i autorizuar ndërtimor në komunën e Vrapçishtës. /Nistori/
