Kryetari i Lëvizjes Besa njëherit edhe kandidat për kryetar në Komunën e Tetovës, Bilall Kasami, e ka ushtruar të drejtën e tij të votës për zgjedhjet lokale 2021.
Pas votimit, ai kërkoi nga të gjithë qytetarët që të votojnë në mënyrë vullnetare, pasi siç tha, kjo është e drejtë e garantuar me Kushtetutë, njofton Nistori.
“Unë si banor i RMV-së dhe qytetar i Tetovës vendosa ta shfrytëzojë të drejtën time për të zgjedhur udhëheqësin e katër viteve të ardhshme. Kërkoj nga çdo qytetar të del të votojë në mënyrë vullnetare, sepse kjo e drejtë është e garantuar me Kushtetutë dhe ligj. Shpresoj që me votën tonë ta bëjmë të ndritur edhe të ardhmen tonë”, tha mes tjerash Kasami.
Ndryshe, në rrethin e dytë për Komunën e Tetovës, ai është në garë me kryetaren aktuale Teuta Arifi./Nistori/
