Komisioni Europian kërkon ndëshkim financiar për Poloninë

    Komisioni Europian po ashpërson qëndrimin kundër Polonisë për shkak të reformës së diskutueshme në drejtësi. Ai i është drejtuar Gjykatës Evropiane të Drejtësisë në Luksemburg për të vendosur një gjobë ndaj Polonisë.

    Në mosmarrëveshjen juridike me Poloninë, Komisioni Evropian i caktoi Polonisë një ultimatum në korrik dhe e kërcënoi me një gjobë për herë të parë. Tani KE po ndërmerr hapin tjetër: ai ka aplikuar në Gjykatën Evropiane të Drejtësisë për një dënim financiar kundër Polonisë.

    Brukseli e justifikon hapin me faktin se Polonia nuk mbron sistemin e saj gjyqësor. BE e sheh reformën në drejtësi si një mjet për të ushtruar ndikim të gjyqtarët.

    Pas kësaj qëndron aktiviteti i vazhdueshëm i dhomës disiplinore për të ndëshkuar gjykatësit, njoftoi Komisioni të martën. Gjykata Evropiane e Drejtësisë (GJED) tani duhet të vendosë për kërkesën.

    Në mes të korrikut, GJED vendosi që dhoma disiplinore e Polonisë shkel të drejtën evropiane. Dhoma disiplinore në gjykatën më të lartë të vendit, e themeluar në vitin 2018, nuk ofron të gjitha garancitë e pavarësisë dhe paanësisë, zbuluan gjykatësit më të lartë të Evropës.

    ër më tepër, GJED e kishte urdhëruar Poloninë që të pezullojë dispozitat që autorizojnë Dhomën Disiplinore të vendosë mbi kërkesat për heqjen e imunitetit gjyqësor dhe për çështjet në lidhje me punësimin dhe daljen në pension të gjyqtarëve në një dispozitë provizore pak më parë. Vendimi mbante parasysh edhe dispozitat e tjera të ligjit polak në lidhje me pavarësinë e gjyqtarëve.

    Polonia atëherë kishte njoftuar se Dhoma Disiplinore e diskutueshme nuk do të vazhdojë të punojë më në formën e saj aktuale. Sidoqoftë, aktualisht po punohet për rastet e vjetra.

    Shuma e sanksioneve financiare teorikisht mund të arrijë në një gjobë me gjashtë shifra. Në një rast tjetër, GJED kishte kërkuar Poloninë me një gjobë prej të paktën 100.000 euro në ditë në vitin 2017.

    Në atë kohë, gjykata kishte urdhëruar Poloninë të ndalonte prerjet në pyllin e mbrojtur më parë Bialowieza.

    Lajmi Paraprak

    11 Shtatori, ja si u popullarizuan disa nga teoritë konspirative

    Lajmi i rradhës

    Rusia me fushatë agresive ndaj Kosovës

    Lajme tjera

    Bashkohu

    Informohu në kohë