Sipas statistikave të Institutit të shëndetit publik, Komuna e Dibrës ka mbulimin më të ulët të vaksinimit kundër koronavirusit, me vetëm 28.3 përqind popullsisë të vaksinuar. Nga Spitali i Dibrës, nga ana tjetër, thonë se nëse nuk numërohen gurbetçinjtë, atëherë në Dibër është imunizuar rreth 50 përqind e popullsisë me vendbanim të përhershëm, shkruan Vërtetmatës.
Shkruan: Sonja Rillkovska
Komuna e Dibrës është një nga qytetet në vendin tonë me shkallën më të ulët të vaksinimit kundër koronavirusit. Sipas raportit të fundit të Institutit të shëndetit publik (për periudhën nga 22 deri më 28.11.2021), në Dibër është vaksinuar vetëm 28,3 përqind e popullatës së përgjithshme, që paraqet shkallën më të ulët në vend. Sipas statistikave, vetëm 35 përqind e dibranëve mbi 18 vjet kanë pranuar vaksinën.
| QSHP/NJR | Popullsia e përgjithshme | Popullata mbi 12 vjet | Popullata mbi 18 vjet | ||
| QSHP Manastir | 44,7% | 49,9% | 53,3% | ||
| NJR Manastir | 48,1% | 54,2% | 58,2% | ||
| NJR Demir Hisar | 45,1% | 49,4% | 52,6% | ||
| NJR Kërçovë | 36,9% | 40,7% | 43,2% | ||
| NJR Prespë | 51,6% | 57,2% | 60,3% | ||
| QSHP Veles | 47,0% | 53,5% | 57,6% | ||
| NJR Veles | 41,6% | 47,9% | 51,9% | ||
| NJR Gjevgjeli | 51,7% | 58,3% | 62,2% | ||
| NJR Kavadar | 53,1% | 60,3% | 64,9% | ||
| NJR Negotinë | 53,8% | 61,0% | 65,7% | ||
| NJR Sveti Nikole | 36,0% | 40,5% | 43,3% | ||
| QSHP Koçan | 38,4% | 42,6% | 45,6% | ||
| NJR Berovë | 49,9% | 55,1% | 58,8% | ||
| NJR Pehçevë | 45,9% | 50,4% | 53,9% | ||
| NJR Vinicë | 34,3% | 38,1% | 40,7% | ||
| NJR Dellçevë | 38,8% | 42,8% | 45,8% | ||
| NJR Koçan | 36,1% | 40,2% | 43,0% | ||
| QSHP Kumanovë | 31,2% | 35,7% | 38,9% | ||
| NJR Kratovë | 32,5% | 35,7% | 37,9% | ||
| NJR Kriva Pallankë | 38,1% | 42,7% | 45,8% | ||
| NJR Kumanovë | 30,0% | 34,6% | 37,8% | ||
| QSHP Ohër | 40,9% | 46,4% | 50,2% | ||
| NJR Dibër | 28,3% | 32,2% | 35,0% | ||
| NJR Ohër | 53,1% | 60,4% | 65,0% | ||
| NJR Strugë | 36,4% | 41,3% | 44,5% | ||
| QSHP Prilep | 41,2% | 47,1% | 51,3% | ||
| NJR Krushevë | 43,0% | 49,7% | 54,1% | ||
| NJR Makedonski Brod | 35,3% | 40,3% | 43,9% | ||
| NJR Prilep | 41,7% | 47,7% | 51,8% | ||
| QSHP Shkup | 37,3% | 43,7% | 47,6% | ||
| NJR Shkup | 37,3% | 43,7% | 47,6% | ||
| QSHP Strumicë | 29,6% | 33,8% | 36,7% | ||
| NJR Vallandovë | 46,4% | 52,4% | 56,5% | ||
| NJR Strumicë | 27,5% | 31,5% | 34,2% | ||
| QSHP Теtovë | 32,3% | 36,9% | 40,0% | ||
| NJR Gostivar | 28,7% | 32,1% | 34,5% | ||
| NJR Теtovë | 34,5% | 39,9% | 43,5% | ||
| QSHP Shtip | 39,5% | 44,9% | 48,5% | ||
| NJR Probishtip | 45,0% | 49,7% | 52,9% | ||
| NJR Radovish | 29,9% | 34,4% | 37,4% | ||
| NJR Shtip | 43,9% | 49,9% | 53,8% | ||
| Gjithsej | 38,7% | 44,4% | 48,0% |
Foto: ISHP
Nga Spitali i përgjithshëm i Dibrës thonë se përqindja e të imunizuarve nuk është aq e ulët, sepse një përqindje e madhe e popullsisë janë gurbetçinj.
Nuk mund të themi se kemi një përqindje të ulët të të vaksinuarve. Nëse nga numrat zyrtarë hiqet numri i gurbetçinjve, atëherë në Dibër është imunizuar rreth 50 përqind e popullsisë me vendbanim të përhershëm. Në përqindjen të cilën e paraqet Instituti i shëndetit publik janë përfshirë edhe gurbetçinjtë të cilët nuk jetojnë këtu, e që janë shumë, e prandaj del sikur kemi përqindjen më të ulët në vend, thotë në një deklaratë për Vërtetmatësin Baki Alili, drejtor i Spitalit të përgjithshëm të Dibrës dhe Qendrës Zhupa.
Sipas regjistrimit të vitit 2002, Komuna e Dibrës ka gjithsej 19.542 banorë, por një pjesë e madhe e tyre sot jetojnë dhe punojnë në vendet evropiane.
Nga Spitali i Dibrës thonë se me dozën e parë dhe dozën e dytë gjithsej janë vaksinuar rreth 13.000 qytetarë. Ata thonë se ka një interes ë madh edhe për dozën e tretë.
Jemi të kënaqur me interesin e qytetarëve. Ka interes për një dozë të tretë të vaksinës, deri më tani janë aplikuar rreth 450 doza përforcuese. Në ditë vaksinohen nga 30 deri në 50 pacientë. Për dozën e tretë aplikohet vetëm “Pfizer”, por ne si spital kemi edhe vaksinat e “AstraZeneka” dhe “Sinofarm”, shton Alili.
Për momentin në Dibër dhe Qendër Zhupë ka vetëm një pacient të hospitalizuar pozitiv me koronavirus.
Gjendja me koronavirusin është mjaft stabile, nuk kemi një numër të madh të të infektuarve. Kemi një pacient të shtruar në repartin infektiv dhe është në gjendje stabile. Nuk është me oksigjenoterapi dhe ka një pasqyrë të lehtë klinike, thotë Alili.
Që nga fillimi i pandemisë, sipas ISHP ( gjendja më 28.11.2021), në Dibër janë regjistruar gjithsej 1.455 të sëmurë, 72 prej tyre kanë ndërruar jetë. Shkalla e letalitetit është një nga më të lartat në vend dhe është 4,9 përqind.
| Shpërndarja sipas qyteteve | Të sëmurë | Të shëruar | Numri i vdekjeve | Gjithsej |
| Shkup | 3851 | 87723 | 2529 | 94103 |
| Kumanovë | 252 | 12072 | 531 | 12855 |
| Tetovë | 150 | 10632 | 528 | 11310 |
| Prilep | 401 | 9264 | 491 | 10156 |
| Manastir | 635 | 7611 | 363 | 8609 |
| Gostivar | 29 | 7646 | 384 | 8059 |
| Veles | 331 | 6686 | 259 | 7276 |
| Kavadar | 300 | 6414 | 214 | 6928 |
| Shtip | 177 | 6198 | 188 | 6563 |
| Ohër | 295 | 5864 | 276 | 6435 |
| Strumicë | 159 | 5632 | 298 | 6089 |
| Kërçovë | 81 | 3961 | 179 | 4221 |
| Koçan | 181 | 3629 | 172 | 3982 |
| Strugë | 65 | 3588 | 247 | 3900 |
| Gjevgjeli | 129 | 2565 | 87 | 2781 |
| Negotinë | 60 | 2426 | 67 | 2553 |
| Sveti Nikole | 81 | 1979 | 52 | 2112 |
| KrivaPallankë | 133 | 1643 | 101 | 1877 |
| Prespë | 107 | 1583 | 44 | 1734 |
| Radovish | 61 | 1567 | 83 | 1711 |
| Dibër | 1 | 1382 | 72 | 1455 |
| Berovë | 82 | 1289 | 51 | 1422 |
| Dellçevë | 133 | 1200 | 49 | 1382 |
| Vinicë | 42 | 1055 | 54 | 1151 |
| Probishtip | 24 | 1043 | 43 | 1110 |
| Vallandovë | 50 | 839 | 37 | 926 |
| Kratovë | 45 | 689 | 26 | 760 |
| Bogdanci | 40 | 587 | 15 | 642 |
| Demir Hisar | 78 | 503 | 27 | 608 |
| Krushevë | 29 | 518 | 35 | 582 |
| Makedonski Brod | 10 | 457 | 23 | 490 |
| Demir Kapija | 6 | 404 | 13 | 423 |
| Makedonska Kamenica | 67 | 328 | 17 | 412 |
| Pehçevë | 9 | 328 | 10 | 347 |
| Dojran | 2 | 155 | 4 | 161 |
| Gjithsej | 8096 | 199460 | 7569 | 215125 |
Tabela ISHP
Në fillim të pandemisë, komunat Dibër dhe Qendër Zhupa ishin vatrat e para të koronavirusit. Në mars të vitit të kaluar, me vendim të Qeverisë, në këto komuna u vendos karantinë njëmujore, pasi nga gjithsej 13 pacientë në vend, 11 ishin nga këto zona. Pacientët e parë supozohej se ishin persona që kishin ardhur nga Italia.Në të dy rajonet u kufizua lëvizja, nuk lejohej as hyrja apo dalja, përveç me leje vetëm për raste urgjente.
Ditëve të fundit Komuna e Dibrës nuk është në listën e qyteteve me raste të reja, e as me raste të vdekjes nga Kovid-19, dhe sipas statistikave të fundit të Ministrisë së shëndetësisë (të publikuara më 06.12.2021), atje ka vetëm dy raste aktive me koronavirus.
