Në pyetjet pse u ngrit kaq shumë depoziti për Shkupin në këto zgjedhje lokale? Pse të vihet në pyetje pozita e kryeministrit, me fitoren e kryeqytetit? Pse e vendosën gjithë lojën kaq lart? Këtyre pyetjeve në emisionin “Magazina Ekonomike” u përgjigjet Aleksandar Krzhallovski nga QMBN.
“Për shkak se në rrethin e parë rezultatet dolën të papritura. Edhe zgjedhjet lokale janë gjithashtu interesante, do të thosha të lehta për partitë, sepse me kusht çdokush mund të shpallë fitore. VMRO-ja do ta kishte shpallur fitoren po të kishte fituar 6 mandate kryetar komune këtë herë, sepse ne zgjedhjet e kaluara kishte 5. Çdo gjë mbi 5 do të ishte një lloj fitoreje, apo përparim.. Ky është parametri i vetëm që shihet. E dyta është numri i votave, dhe këtu tashmë është e qartë, në listat e këshilltarëve VMRO-DPMNE është fituese në raundin e parë me numrin më të madh të votave. Edhe pse beteja për shumicën e vendeve të kryetarëve të komunave është ende e hapur, dhe ende nuk është e qartë nëse do të përfundojë me avantazh, por tashmë po bëhet e sigurt diferenca për 13 kryetarë komunash në raundin e parë, që ndoshta VMRO-DPMNE-ja sigurisht që do të ketë më shumë kryetarë komunash nga LSDM-ja. Edhe pse po luftojnë në shumë vende… Por mbetet Qyteti i Shkupit, që është xhekpoti i këtyre zgjedhjeve”, tha Aleksandar Krzhallovski nga QMBN.
Sipas Krzhallovskit, fitorja e VMRO-DPMNE-së në zgjedhjet lokale do ta delegjitimojë partinë në pushtet.
“Edhe nëse konstatojmë se në dy të parat VMRO-DPMNE ka fitim të sigurt apo avantazh, do të mbetet që LSDM-ja të paktën të marrë ndonjë fitore gushëlluese apo fitore, që nëse në fund është 3:0, pra fitore e VMRO-DPMNE-së në të tre elementët, këtu është nokaut, fitore klasike në të gjitha bazat dhe në një farë mënyre delegjitimim i partisë në pushtet”, tha Krzhallovski.
