Kurti: Synojmë të fitojmë kudo që jemi në balotazh

    Foto: Emir H

    Kryetari i LVV-së njëherit edhe kryeministri i Kosovës, Albin Kurti në një konferencë për media ka thënë se dje u mbajtën zgjedhjet lokale të cilat ishin të lira, demokratike dhe fer.

    Kurti tha se janë të kënaqur që kanë shkuar në balotazh në shumicën e komunave.

    “Si kryetar i LVV jam i kënaqur të shoh kaq shumë kandidat tonë në balotazh. Është një shans që të vazhdojmë të flasim dhe të diskutojmë me qytetarët se si ti mbrojmë dhe avancojmë të arriturat në këtë gjysmë viti të qeverisjes. Ndryshimi real është shumë më shumë se fjalë”, ka thënë Kurti.

    Kurti ka thënë se synojnë të fitojnë kudo që janë në balotazh.

    Ai ka shtuar se si kryeministër është krenar që kishim miq nga BE-ja që vëzhguan demokracinë tonë që mund të shërbejë si shembull për vendet e rajonit

    Ai shtoi se ndryshimi i bërë realitet në rrafshin qytetar nuk është për premtime të mëdha për probleme të vjetra.

    “Jam i etur të punoj e bashkëpunoj me secilën komunë që vlerat tona të arrijnë në cdo lagje e secilën shtëpi. Do të punoj me secilin kryetar komune… Urime të gjithë kandidatëve, kjo është festë e madhe e demokracisë si zgjedhje dhe e politikës si shërbim. Kandidatët e LVV-së do të jenë të angazhuar për secilën votë”, tha Kurti. /Telegrafi/

    Lajmi Paraprak

    Ahmeti: Ju premtoj se asnjëherë nuk do të ju zhgënjej, kjo fitore është e juaja

    Lajmi i rradhës

    Përfundon numërimi i të gjitha votave në 33 komuna, këto janë rezultatet në Kosovë

    Lajme tjera

    Bashkohu

    Informohu në kohë