Kryetari i Bashkimit Demokratik për Integrim (BDI), Ali Ahmeti në profilin zyrtar në Facebook ka falenderuar të gjithë votuesit, duke theksuar se kjo fitore është e juaja, e të gjithë qytetarëve, përcjell Nistori.
“BDI është e juaja, është projekt kombëtar ku hise kemi të gjithë dhe unë ju premtoj se asnjëherë nuk do të ju zhgënjej. Përgjegjësinë që ma ngarkoni mbi supe me besimin tuaj e konsideroj si bekim dhe shtytje për të bërë edhe më shumë, edhe më mirë. Jemi bashkë në këtë rrugëtim dhe çdo hap do ta ecim bashkarisht me të gjithë qytetarët. Kjo fitore është e juaja, e të gjithë qytetarëve”, deklaron Ahmeti.
Përndryshe rrethi i dytë i zgjedhjeve lokale do të mbahet më 31 tetor, ku BDI do të jetë në balotazh në shumicën e komunave me partitë tjera. /Nistori/
