Gjatë muajit shtator në Maqedoninë e Veriut kishte 103.787 turistë, ku më të shumtët ishin nga Turqia, Serbia, Polonia dhe Gjermania, përcjell Nistori.
Shifrat tregojnë se 11,187 shtetas turq kanë vizituar vendin gjatë asaj periudhe, të ndjekur nga Serbia 7,617, Polonia 4,647, Gjermania 4,314, Bullgaria 2,900, Greqia, 2,485. Në shtator të këtij viti vendet liqenore i kanë vizituar 46.594 turistë, ndërsa në Shkup janë regjistruar 35.729, malore 4.649, banjat 3.276 dhe vendet tjera mbi 13.000 turistë. Akomodimin në hotel e kanë shfrytëzuar 85.498 turistë, nga të cilët 24.114 kanë zgjedhur hotele me pesë yje.
Prej vitesh mysafirët nga vendet fqinje dhe Turqia kanë qenë më të shumtët. Për shkak të pandemisë, turizmi ka pasur stagnim për dy vjet. /Nistori/
