Lajçak priti në darkë joformale Kurtin e Vuçiqin

    I dërguari i posaçëm i Bashkimit Evropian për dialogun Kosovë-Serbi, Mirosllav Lajçak, priti të mërkurën mbrëma, në një darkë joformale, kryeministrin e Kosovës, Albin Kurti, dhe presidentin e Serbisë, Aleksandar Vuçiq.

    Takimi u realizua në Berlin, ku Kurti dhe Vuçiq takuan të mërkurën edhe kancelarin gjerman, Olaf Scholz.

    “Mirëpresim mundësinë për diskutime rreth dialogut, në një darkë joformale, me kryeministrin Kurti dhe presidentin Vuçiq, në Berlin. Faleminderit Qeverisë gjermane për pritjen. Ne do të vazhdojmë diskutimin në nivel të kryenegociatorëve më 13 maj”, shkroi Lajçak në Twitter.

    Kurti dhe Vuçiq nuk janë takuar në kuadër të dialogut për normalizimin e marrëdhënieve qysh në korrik të vitit të kaluar.

    Nga kancelari Scholz, ata u pritën në takime të ndara.

    Scholz tha se përparimi në dialogun Kosovë-Serbi është i një rëndësie “të madhe” për paqen dhe stabilitetin në Evropën Juglindore, ashtu si dhe për integrimin evropian të të dyja vendeve.

    Scholz theksoi se njohja e pavarësisë së Kosovës nga Serbia është pjesë e dialogut për normalizimin e marrëdhënieve midis këtyre dy vendeve. /REL/

    Lajmi Paraprak

    Njerëzit e parregullt janë më të zgjuar | Çfarë thonë ekspertët

    Lajmi i rradhës

    Metobolizmi ndryshon me moshën

    Lajme tjera

    Bashkohu

    Informohu në kohë