Së pari fushatë dhe më pas zbatim të Ligjit kundër duhanpirjes, kërkuan hotelierët në takimin me sekretarin e shtetit në Ministrinë e Ekonomisë dhe Punës. Siç informoi sot Ministri i Ekonomisë dhe Punës Besar Durmishi, me gjatë do të mbahet një takim tjetër javën e ardhshme, në të cilin ai dhe ministri i Shëndetësisë Azir Aliu do të jenë të pranishëm, dhe do të shqyrtohen të gjitha mundësitë.
Durmishi nuk tha nëse është e mundur të shtyhet zbatimi i Ligjit, i cili supozohet të fillojë më 1 mars, por vuri në dukje se qëllimi është të kujdeset për shëndetin publik.
Në takimin e ardhshëm, theksoi ai, do të merret vendim që do të pranohet nga të gjitha palët e interesuara, përfshirë hotelierët.
“Kemi dëgjuar vërejtjet e hotelierëve të cilët kërkuan një periudhë të caktuar kohore deri në hyrjen në fuqi të Ligjit, domethënë, të shkohet fillimisht me një fushatë dhe pastaj me informacion deri në fillimin e zbatimit, në mënyrë që ata të jenë në një farë mënyre të përgatitur. Do t’ua përsërisim atyre se cili është qëllimi dhe në fund do të marrim vendim që do të pranohet nga të gjithë palët e interesuara, përfshirë edhe hotelierët”, tha Durmishi, duke iu përgjigjur pyetjeve gazetareske pas ngjarjes në Qeveri në të cilën u prezantua Ligji për Punësimin e Personave.
