Ligji i ri i propozuar për amnisti do të zbatohet për rreth 250 të burgosur nga gjithsej 2,345 persona të dënuar që vuajnë dënimin me burg në të gjitha burgjet në vend. Sipas të dhënave, burgjet e vendit tonë kanë shtretër për vetëm 2.113 persona dhe në to janë të vendosur 2.345 të dënuar. Përveç kësaj, ata strehojnë mbi 260 persona në paraburgim, si dhe 20 të mitur që shkelën ligjin. Ministria e Drejtësisë propozon të lirohen nga burgu të dënuarit për krime të lehta me burg deri në 6 muaj. Për ata që janë dënuar mbi 6 muaj, propozohet ulje e dënimit me burg me 30 për qind.
Sipas projektligjit për amnisti, ulja e dënimeve me burg nuk do të përfshijë të dënuarit me burgim të përjetshëm, si dhe për krimet e vrasjes, mashtrimit gjatë zgjedhjeve dhe votimit, ryshfetit dhe korrupsionit, përdhunimit dhe dhunës në familje, shpërdorimit të detyrës apo mashtrim me para nga fondet europiane.“Amnistia nuk vlen për personat e dënuar për krime kundër shtetit, kundër njerëzimit dhe ligjit ndërkombëtar”, thuhet në tekstin e ligjit të propozuar.
Mirëpo, publiku nisi të shtronte pyetjen se a është e mundur që aktet e terrorizmit t’i nënshtrohen amnistisë, pra të ulen dënimet me burg të të dënuarve për pushtimin e dhunshëm të Kuvendit të 27 prillit 2017. Këtë e ka lënë të kuptohet ministri i Drejtësisë Krenar Lloga, i cili dje ishte i vendosur në deklaratën se nëse në procedurën për miratimin e ligjit për amnisti për të dënuarit e 27 prillit dhe për parregullsi zgjedhore do të ketë treg mes LSDM-së dhe VMRO-së. do të jetë një përgjigje e duhur. “Një gjë e tillë nuk është fare në tavolinë për negociata. Por edhe nëse LSDM, BDI dhe VMRO DPMNE bien dakord dhe përpiqen ta kalojnë, Aleanca për Shqiptarët do ta kundërshtojë ashpër dhe do ta bllokojë me një milion amendamente”, tha Lloga.
VMRO-DPMNE-ja opozitare njoftoi se do t’i përdorë të gjitha mjetet për të bllokuar kalimin e këtij ligji në Parlament, sepse siç thonë ata, pushteti dëshiron t’i lirojë nga burgu kriminelët e afërt. Nga atje thonë se pas deklaratës së ministrit se të dënuarit e 27 prillit nuk janë përfshirë në amnisti të planifikuar, është një amnisti e pjesshme e dukshme për ta.
“Çdo gjë që është në përputhje me rregulloren do të përdoret si mjet në përputhje me procedurat që drejtojnë deputetët në Parlament. Kur VMRO-DPMNE të vijë në pozitën e udhëheqjes së qeverisë, në konsultim me të gjitha subjektet relevante, do të miratohet ligji për amnisti që do t’i mbulojë të gjithë, jo një zgjidhje e pjesshme si kjo në prag të zgjedhjeve dhe natyrisht tani në tentim për mbledhjen e pikëve të vogla politike”, thonë nga partia e Mickoskit e cila në shkurt të këtij viti ka dorëzuar në Parlament projektligjin për amnisti vetëm për personat e dënuar për ngjarjet e 27 prillit 2017.
Nga ana tjetër, profesori universitar Bashkim Selmani për gazetën KOHA, ka deklaruar se sa i përket mënyrës së trajtimit të burgjeve, përcaktohet përmes konventave të burgjeve për mbrojtjen e të drejtave të personave që vuajnë burgun.
Sipas konventave ndërkombëtare, siç tha Selmani, parashihet dhe garantohet shëndeti i të burgosurve. Pra, nuk duhet të ketë lagështi, parashihet me metër katrorë për person dhe kushtet tjera që fatkeqësisht në vendin tonë ka pasur kritika nga faktori ndërkombëtar. “Për sa i përket mënyrës së çështjeve që burgjet janë të mbi populluara, është hera e parë që një ministër shqiptar viziton burgjet që nga afër t’i shoh rrethanat dhe kushtet se si jetojnë të burgosurit e cila është një punë e shkëlqyer dhe duhet të vlerësohet”, tha ai.
Selmani shtoi se kundërshtimet dhe bllokimet që i bënë VMRO është për të ardhur keq pasi ata janë shkaktare për gjendjen e këtyre burgjeve dhe shumë proceseve të montuara. “Por në këtë rast t’i propozoj edhe ministrit që jo vetëm të ketë revizione për mbipopullimin e burgjeve, por të ketë edhe revizione të njerëzve të cilat janë të pafajshëm në burgje e cila është një problem, bazë dhe padrejtësi ku kemi pasur edhe shumë argumente në publik. Ndërkohë sa i përket mënyrës tjetër se a do t’i kap amnistia është vetëm lidhje e përkohshme mirëpo nuk është afatgjate. Roli i burgjeve është për ta risocilzuar personin deri në gjendjen para kryerjes së krimit. Derisa në burgjet tona personave ju rrezikohet edhe shëndeti i tyre, e lëre më risocializimi i tyre. Për këtë arsyeje, me një vlerësim ndaj personave që nuk janë të rrezikshëm për shoqërinë, të përfshihen në programe të ndryshme dhe mundësi për përvetësimin e shkathtësive të reja që të kenë më shumë mundësi punësimi pas kryerjes së masës ndëshkuese”, ka deklaruar Selmani.
Bëhet fjalë për dy çështje gjyqësore që lidhen me ngjarjet e 27 prillit. Të gjithë janë dënuar për veprime kundër shtetit, pra për rrezikim të rendit kushtetues dhe sigurisë së shtetit. Si organizatorë të pushtimit të dhunshëm me burgim janë dënuar ish-zyrtarët Trajko Veljanoski, Spiro Ristovski, Mile Janakieski dhe Vlladimir Atanasovski, të cilët pas anulimit të aktgjykimit të shkallës së parë nga Apeli, presin rigjykim. Për ngjarjet në Parlament, 16 të pandehur janë dënuar me burgim. Por 15 të pandehurit e tjerë, mes tyre edhe deputetë, u falen në pritje të ndryshimeve kushtetuese në Kuvend pas nënshkrimit të Marrëveshjes së Prespës, e cila ndryshoi emrin e shtetit në vitin 2018.
Pas miratimit të ndryshimeve në Kodin Penal javën e kaluar, ky propozim për amnisti ka nxitur spekulimet se ka një treg politik pas tij në prag të votimit për amendamentet e reja kushtetuese që do të duhet të fusin bullgarët në preambulë. për të vazhduar negociatat me Bashkimin Evropian. /koha/
