Nëpërmjet një njoftimi të LSDM-së thuhet se Plani operativ për masa dhe programe aktive për punësim ka rezultate të dukshme.
Ata shtojnë se për realizimin e kësaj mase për sivjet nga buxheti janë siguruar 1.73 miliardë denarë ose 28 milionë euro.
“Më herët, në vitin 2021, Plani operativ ishte realizim i mbi 94% dhe u përfshinë 11.292 persona të papunësuar. 4.000 persona vitin e kaluar janë punësuar vetëm me masat për vetëpunësim dhe mbështetje për krijimin e vendeve të të reja të punës, ndërsa 3.787 të rinj deri në 23 vjet të punësuar në prodhim dhe bujqësi marrën shtesa në paga”, thonë nga kjo parti.
Ata shtojnë se për 4 vite zbatohet projekti “Garancia për të rinjtë” që përfshin të rinj të papunësuar deri në moshën 29 vjet dhe se kjo masë përfshiu të 19.298 të rinj.
