LSDM: Qytetarët do të dënojnë koalicionin antieuropian në zgjedhje

    Qytetarët do të dënojnë koalicionin antievropian në zgjedhje, thonë nga LSDM-ja duke i fajësuar VMRO-DPMNE-në dhe Të Majtën si arsye kryesore se pse vendi u bllokua në rrugën eurointegruese.

    “Bllokadat e koalicionit antievropian të DPMNE-së dhe të Majtës janë arsyeja e vetme, pavarësisht se kemi një proces skrining të përfunduar me sukses, pavarësisht se kemi mbështetje të fortë dhe të qartë dhe dyer të hapura në BE-së. Konkluzionet e Këshillit Evropian janë të qarta, kemi pasur një skrining të suksesshëm dhe konferenca e dytë ndërqeveritare do të thirret pa vonesë për të hapur kapitujt pas miratimit të amendamenteve kushtetuese”, tha Bogdanka Kuzeska, LSDM.

    LSDM janë aq të shkëputur nga realiteti sa nuk e kuptojnë se marrëzitë e llojit fajin e ka VMRO pse nuk ka fillim negociatash, askush nuk i pranon më si argument, thonë nga VMRO-DPMNE-ja.

    “Në vend që të humbin kohë në konferenca për shtyp, le të thërrasin Olaf Sholcin, kancelarin e Gjermanisë dhe një mik të Maqedonisë, i cili është edhe kryetar i një partie simotër të LSD-së, pasi ai e bindi Orbanin të largohej nga takimi për të kaluar vendimin për Ukrainën, ta bëjë të njëjtën gjë me Bullgarinë për ne. Nëse kjo nuk ndodh, është e qartë se Bullgaria nuk është arsyeja e vetme e bllokimit të integrimeve në BE, por krimi dhe marrëzia e qeverisë, kurse anëtarët e mëdhenj të BE-së e fshehin atë pas Bullgarisë”, thonë nga VMRO-DPMNE.

    Këshilli i Bashkimit Evropian, ditë më parë, në një samit që mund të ishte vendimtar për vendin nëse do të ishin përmbushur kushtet miratoi konkluzionet në të cilat kërkoi që të zbatohen reforma në fushën e sundimit të ligjit, luftës kundër korrupsionit dhe administratës publike, por edhe që marrëveshjet me Greqinë dhe Bullgarinë të respektohen.

    Lajmi Paraprak

    Aggeler: Vanja pagoi çmimin e padrejtësisë!

    Lajmi i rradhës

    Kërkimet ilegale për ar po i shkatërrojnë muret e Kalasë së Tetovës

    Lajme tjera

    Bashkohu

    Informohu në kohë