Ujë në Tetovë është i sigurt për pije, informojnë nga Qendra për Shëndet Publik, pas analizave dhe hulumtimeve që i kanë bërë, pasi të martën banorët e Tetovës janë shqetësuar për shkak se ndërmarrja komunale në faqen e tyre në Facebook njoftoi se uji është ndotur. Më pas ata e ndryshuan njoftimin dhe thanë se është ndërprerë stacioni i filtrimit vetëm në ujësjellësin e ri.
“Në bazë të rezultateve të testeve të kryera dhe analizave të ekspertëve, mostra e testuar e ujit të pijshëm është e përshtatshme për përdorim sipas rregulloreve të sigurisë së ujit të pijshëm. Të gjithë treguesit janë brenda vlerave normale kur bëhet fjalë për ekzaminimin bazë të ujit, me ekzaminimin e treguesve fizikë (ngjyra dhe turbullira), treguesit fiziko-kimikë dhe treguesit kimikë”, informoi Ratko Davidoski, udhëheqës në Departamentin e Higjienës dhe Ekologjisë Shëndetësore në ISHP Tetovë.
Tetova aktualisht furnizohet me 250 litra ujë në sekondë, e cila merret nga ujësjellësi i vjetër, për të pasur ujë normal në Tetovë, duhen mbi 300 litra ujë në sekondë.
