Hapja e klubit maqedonas “Nikolla Vapcarov” në Bllagoevgrad është mundësi e shkëlqyer që kreu shtetëror të bashkohet dhe të vijë së bashku me mua aty, deklaroi lideri i VMRO-DPMNE-së, Hristijan Mickoski.
Mickoski potencoi se klubi në Bllagoevgrad, i cili do të hapet të dielën, e mban emrin e një personalitei historik që bashkon, për dallim nga emrat e qendrave kulturore bullgare, emrat e të cilave sipas tij, janë të bashkëpunëtorëve të dëshmuar fashistë bullgarë.
“Këtë nuk mund Bullgaria ta kuptojë si provokim, pasi ne nuk hapim qendër kulturore maqedonase, e cila ka emër të bashkëpunëtorit të dëshmuar fashist. Populli maqedonas është antifashist dhe ashtu e ka krijuar shtetin e vet, në bazë të luftës kundër fashizmit. Dhe këto dy punë nuk mund njëra me tjetrën të lidhen”, tha Mickoski.
Ai theksoi se “Maqedonia e nuk e mohon identitetin e bullgarëve, por bullgarët e mohojnë atë maqedonas dhe këtu ka dallim thelbësor”.
Ai edhe një herë e përsëriti qëndrimin e VMRO-DPMNE-së se partia nuk do të përkrah ndryshime kushtetuese dhe vendosjen e bullgarëve në Kushteutë, nëse nuk merren garanca të fuqishme nga ana e Bashkimit Evropian për identitetin maqedonas, ku përmbahet gjuha dhe për atë se çështjet bilaterale më nuk do të jenë mundësi për veto të re, derisa vendi nuk bëhet anëtar i BE-së.
