Kryetar i Lëvizjes Demokratike, Izet Mexhiti, i cili është pjesë e koalicionit VLEN, ka reaguar pas informacioneve se kandidatja për presidente nga radhët e VMRO-DPMNE-së, Gordana Siljanovska Davkoka ka propozuar tribunal ndërkombëtar për luftën e 2001.
Mexhiti në një postim në Facebook shkruan se “VMRO-DPMNE” vazhdon polarizimin me BDI-në dhe kjo sipas tij është lojë e vjetër. Ai gjithashtu shkruan se “shqiptarët janë bashkë kur vjen puna te çështja kombëtare”.
“Na vjen keq që me afrimin e zgjedhjeve, Vmro-Dpmne ju kthehet praktikave të vjetra të cilat menduam që i kanë harruar. Vmro-Dpmne po vazhdon polarizimin me BDI-në dhe kjo është lojë bajate, e vjetëruar. Shqiptarët janë bashkë kur vjen puna te çështja kombëtare”.
“UÇK është e SHENJTË për të gjithë ne dhe askush nuk guxon të prek aty”, shkruan Mexhiti në Facebook.