“Afrim Gashi është njeri me dinjitet të veçantë”, tha sot kryeministri Hristijan Mickoski në një intervistë televizive në Alfa, duke komentuar sulmet e opozitës ndaj kryeparlamentarit.
“Unë ju garantoj se sjellja e tij ndaj deputetëve është për disa nivele më e dinjitetshme sesa sjellja e Talat Xhaferit. Unë e garantoj këtë me gjithë kredibilitetin tim para opinionit”, tha Mickoski.
Ai tha se në këto 5-6 vite që e njeh Afrim Gashin, mund të garantojë se nuk është njeri që iu fryen konflikteve.
“Unë e njoh Afrim Gashin, si njeri nuk mund t’ia lejojë vetes ta lëndojë dikë”, tha Mickoski.
