Me hotele dhe shtëpi pushimi të amortizuara, Revizioni Shtetëror ka konstatuar se operacionet e ELEM Turs karakterizohen me humbje prej 1.2 miliardë denarë dhe borxh prej 268 milionë denarësh. Revizioni vëren se objektet e saj në vlerë prej 284 milionë denarë denarë, janë të ekspozuara ndaj rreziqeve, pasi janë neglizhuar procedurat për sigurimin e pronës dhe aseteve të kompanisë nga vjedhja, zjarri dhe fatkeqësitë e tjera. Nga inspektimi në terren i hoteleve “Molika” (Manastir), “Kodra e Diellit” (Tetovë), “Sllavija” – Tetovë, resorteve “Shën Stefani” (Ohër), “Mavrovë” – Hanet e Mavrovës dhe Autokampit “Livadhishte” (Strugë), me përjashtim të “Molikës” , të gjitha janë të amortizuara dhe në pjesën më të madhe nuk ofrojnë kushtet minimale teknike për akomodim.
Shoqëria, vëren raporti, është përballur me një situatë të pafavorshme financiare që nga themelimi i saj në vitin 2012, duke pësuar vazhdimisht humbje operative, dhe humbjet e akumuluara deri në vitin 2023 arrijnë në mbi 19 milionë euro, ose 92 për qind të kapitalit aksionar.
Pavarësisht faktit se në vitin 2023 u raportua humbja më e vogël në gjashtë vitet e fundit, e cila është për shkak të ndryshimeve statusore në kompani dhe aktivitetit të saj të reduktuar, kompania vazhdon të raportojë një rezultat negativ financiar nga operacionet, nuk është likuide dhe është në gjendje të dobët financiare. Objektet e akomodimit të vjetruara, shpenzimi joracional i fondeve dhe menaxhimi joadekuat po e çojnë kompaninë drejt sfidave serioze operative”, thuhet në raport. Për të vazhduar kryerjen e aktiviteteve të saj dhe shlyerjen e detyrimeve të saj, kompania vazhdimisht lidh marrëveshje trepalëshe me themeluesin për marrjen e borxhit. Në periudhën nga viti 2018 deri në vitin 2023, përmes marrëveshjeve të lidhura me SHA ESM u morën borxhe që janë vazhdimisht në rritje dhe në vitin 2023 arrijnë në mbi 268 milionë denarë.
“Analiza e numrit të kontraktorëve të angazhuar sipas një marrëveshjeje, aktiviteteve të tyre të punës dhe numrit të personave të punësuar rregullisht në Degën e Kodrës së Diellit, krahasuar me shumën e ulët të të ardhurave të gjeneruara nga objektet e akomodimit në periudhën maj – shtator 2023, nuk dha siguri në lidhje me nevojën dhe justifikimin për angazhimin e kontraktorëve të jashtëm në atë periudhë, gjë që ndikon në shpenzimin racional të fondeve publike.
Resorti “Shën Stefani, nuk mund të shfrytëzohet për shkak të ndërprerjes së energjisë elektrike, ndërsa rinovimi i kapaciteteve të akomodimit dhe shërbimit të ushqimit në “Livadhishte”, Strugë është në proces. Ndërsa në vitin 2022 bordi mbikëqyrës i sha ESM – Shkup vendosi të themelojë dy shoqëri të reja, ESM Molika dhe Qendrës e Skive “Kodra e Diellit”. Procesi i ristrukturimit të kompanisë u shoqërua me dobësi të caktuara. Konkretisht, pasuria e paluajtshme u transferua te kompanitë e reja, por kjo nuk ndodhi me asetet e luajtshme.
“Auditimi identifikoi edhe situata të tjera që lidhen me inventarin, pagesa pa dokumentacion mbështetës, regjistrim të pamjaftueshëm dhe parregullsi e mospërputhje të tjera të natyrave të ndryshme, të cilat ndikojnë në shprehjen e një opinioni të kualifikuar mbi realitetin dhe objektivitetin e pasqyrave financiare për vitin 2023 dhe një opinioni negativ mbi pajtueshmërinë me rregulloret ligjore”, konstatohet nga Revizoni.
