Diskriminimi ndaj njerëzve që deklarohen si bullgarë të Maqedonisë në vend është i përditshëm, deklaroi kryetari i Shoqatës së miqësisë maqedonase-bullgare, Dobre Mitrev në emisionin “360 gradë”, përcjell Nistori.
“Diskriminimi ndaj njerëzve që deklarohen si bullgarë të Maqedonisë në vend është i përditshëm. Nga këndvështrimi i njerëzve që më njohin më shumë se 20, 30 vjet, si Dobre Mitrev, nuk e kanë problem të komunikojnë me mua, përderisa unë nuk jam Dobre Mitrev, bullgar nga Maqedonia”, shprehet Mitrev.
Përfshirja e bullgarëve në Kushtetutë nuk do të zgjidhte çështjen e marrëdhënieve mes Maqedonisë dhe Bullgarisë, deklaroi Mitrev.
“Nuk mendoj se përfshirja e bullgarëve në kushtetutë do të zgjidhë çështjen e marrëdhënieve mes Maqedonisë dhe Bullgarisë. Mënyra e të menduarit në Maqedoni është e gabuar… do të thosha edhe ndaj Bullgarisë. A është nga e kaluara, kur ne ishim në Jugosllavi, dhe ata ishin në bllokun lindor … mënyra e të menduarit për ato vende … kishte edhe Çekia, Polonia dhe Rumania … nuk ka diskriminim për ata, kurse për bullgarët ka … qasja është e gabuar. Mendoj se Maqedonia ndihet një nivel më lart se Bullgaria,” tha Mitrev.
