Ministria e Punëve të Brendshme e Bullgarisë përmes një komunikate për media ka njoftuar se Bullgaria nuk do të ekstradojë Iva Mihaillovën në Maqedoni me arsyetimin se ekstradimin nuk mund ta bëjë për një shtetase bullgare që nuk është në ndjekje penale.
“Një shtetas i Republikës së Bullgarisë nuk mund të ekstradohet në një shtet tjetër ose në një gjykatë ndërkombëtare për qëllime ndjekjeje penale, përveç nëse kjo nuk parashikohet nga një marrëveshje ndërkombëtare që është ratifikuar, shpallur dhe hyrë në fuqi për Republikën e Bullgarisë” – njoftoi sot Ministria e Punëve të Brendshme e Bullgarisë, në lidhje me rastin e Iva Mihajllovës, për të cilën Ministria e Punëve të Brendshme e Maqedonisë lëshoi një urdhër-arresti ndërkombëtar, pasi ajo gjatë kësaj fundjavëe iku në Bullgari dhe po gjykohet në gjykatën në Koçan për një aksident trafiku me pasoja fatale.
Iva Mihajllova, e cila ka edhe shtetësi bullgare, akuzohet në procedurë gjyqësore në Maqedoni për një aksident trafiku me pasoja vdekje.
Pas arratisjes së saj nga vendi, për të është lëshuar një urdhër-arrest qendror dhe ndërkombëtar, ndërsa Gjykata e Koçanit urdhëroi që ajo të mbahet në paraburgim për 30 ditë.
Ndaj saj është vendosur masa paraprake dhe janë sekuestruar dokumentet e saj të udhëtimit.
