Është krenaria e Parisit dhe një prej atraksioneve më të njohura në botë. Por Kulla Eiffel ka nevojë të dëshpëruar për riparim.
Struktura e lartë prej çeliku që dominon qytetin e dritave thuhet te jetë në gjendje të mjerueshme dhe është mbuluar nga ndryshku.
Por në vend të punës riparuese, do t’i nënshtrohet një lyerje kozmetike prej 60 milionë dollarësh në prag të Lojërave Olimpike të 2024 në Paris.
Kjo bëhet e ditur në një raport konfidencial të cituar nga revista franceze ‘Marianne’.
Është hera e 20 që kulla i nënshtrohet lyerjes. Me lartësinë e 324 metrave, ajo u ndërtua nga Gustave Eiffel në fund të shekullit të 19.
Një menaxher i paidentifikuar pranë monumentit tha për revistën franceze se nëse Eiffel do ta vizitonte tani veprën e tij do të pësonte një infarkt.
Top Albania Radio shkruan se kompania që mbikëqyr kullën nuk ka komentuar ende mbi raportimet.
Atraksioni vizitohet çdo vit nga rreth 6 milionë turistë dhe autoritetet hezitojnë ta mbyllin për riparimet e nevojshme për shkak të të ardhurave të mëdha qe do humbnin si pasojë e turistëve të munguar.
Kulla e famshme Eiffel, e cila u ndërtua në 1889, është pjesa më e njohur e arkitekturës në Paris, Francë. Lartësia e saj qëndron në 1,063 metra i gjatë.
Në mënyrë që të shkoni në krye, do të duhet të paguani pak më shumë se 31 dollarë (26€). Përveç kësaj, do të duhet të kaloni shumë kohë duke qëndruar në radhë.
Ju mund të gjeni pothuajse një kopje të saktë të kësaj kulle, në qytetin kinez, Hangzhou, në parkun e zonës së banuar të njohur si Tianducheng. Misioni i tij është të imitojë detajet e dizajnit të Parisit. Hyrja është falas. /TCH/
