Kryeministri Hristijan Mickoski njoftoi se do të vazhdojë masa e qeverisë për transport publik falas për studentët në Shkup. Mickoski tha se qeveria në seancën e sotme vendosi të transferojë 120 milionë denarë deri te Qyteti i Shkupit, respektivisht deri te Ndërmarrja për Qarkullim Publik, që të mund të vazhdojë kjo masë dhe vitin e ardhshëm.
“Qeveria në seancën e sotme të rregullt vendosi t’i transferojë 120 milionë denarë Qytetit të Shkupit, respektivisht NQP-së që të mundet që kjo masë pa pengesa të realizohet edhe në vitin e ardhshëm kalendarik. Ky është një lehtësim shtesë për procesin e arsimit për studentët”, tha Mickoski.
“Transporti publik falas do t’u japë atyre qasje më të madhe në arsim dhe do t’i lehtësojë ata nga barra financiare, duke i lejuar ata të përqendrohen më shumë në studimet e tyre dhe zhvillimin personal. Sigurisht që kjo masë ka edhe aspekt mjedisor. Duke inkurajuar të rinjtë të përdorin transportin publik, ne reduktojmë përdorimin e automjeteve private, duke kontribuar kështu në ajër më të pastër, më pak emetim të gazrave të dëmshëm dhe qytete më të shëndetshme”, tha Mickoski.
