Shabani: MASH nuk mund t’i detyrojë mësimdhënësit të vaksinohen

    I pyetur nëse mësimdhënësit e pavaksinuar, do të jenë kërcënim për rrjedhën normale të vitit të ri shkollor, Shabani tha se ministria nuk ka mekanizëm dhe as udhëzim t’i detyrojë mësimdhënësit të vaksinohen.

    Ai theksoi se ministria nuk ka numër të saktë sa mësimdhënës janë vaksinuar me një dhe me dy doza të vaksinës, as sa është numri i tyre që nuk kanë shprehur interesim për t’u vaksinuar.

    “Mënyra e mësimdhënies realizohet sipas udhëzimeve që marrim nga institucionet dhe organet kompetente shëndetësore, kryesisht nga Komisioni për Sëmundjet Infektive. Prioriteti ynë ishte mësuesit që kanë qenë me mësim me prezencë fizike, ndërsa për mësuesit tjerë do të koordinohemi me autoritetet shëndetësore, të cilët japin udhëzime për termine dhe llojin e vaksinës. Deri më tani, nuk ka asnjë mekanizëm ose fushatë për të rritur ndërgjegjësimin tek ata mësues, të cilët në shtator duhet të përfshihen në procesin e rregullt me ​​pjesëmarrje fizike në mësimdhënie. Ne nuk mund t’i detyrojmë ata të vaksinohen”, tha Shabani.

    Ai potencoi se MASH është në koordinim të vazhdueshëm me Ministrinë e Shëndetësisë, për t’u përgatitur për vitin e ri shkollor./Telegrafi/

    Lajmi Paraprak

    Rrëmujë nëpër sportele si pasojë e ndryshimit të sistemit për dokumentat personale

    Lajmi i rradhës

    MPB: Nga 1 korriku dokumentet personale me emrin e ri Maqedonia e Veriut

    Lajme tjera

    Bashkohu

    Informohu në kohë