Pas marrëveshjes së arritur mes Qeverisë dhe SASHK-ut për rritjen e pagave të punëtorëve në arsim dhe çerdhe për 12%, nxënësit nesër sërish do të vijojnë mësimin. Bankat shkollore edhe sot do të mbeten bosh, sepse përfaqësuesit e SASHK-ut dhe këshilltarët rajonalë do ta shfrytëzojnë këtë ditë për t’i informuar punëtorët në arsim dhe çerdhe për marrëveshjen e arritur.
Megjithatë, nxënësit dhe disa nga mësuesit e shkollave të mesme besojnë se humbja e orëve para përfundimit të vitit shkollor është një dëm i pariparueshëm për procesin arsimor dhe posaçërisht për vetë nxënësit.
