Ajo që mund të konkludoj është se shumica nuk ka shumicën për amendamentet kushtetuese dhe në bazë të këtij konkluzioni, pasoja logjike e ngjarjeve është shpërbërja e Kuvendit, formimi i qeverisë teknike dhe kalimi në zgjedhje të parakohshme parlamentare, theksoi sot lideri i opozitës VMRO-DPMNE Hristijan Mickoski, pas takimit të liderëve politik në Kuvend, përcjell Nistori.
Ai kritikoi qeverinë për atë që u diskutua në mbledhjen e kryesisë. Ai theksoi se në vend të problemeve reale me të cilat po përballen qytetarët aktualisht, është diskutuar për hapjen e Kushtetutës dhe ndryshimet kushtetuese të kërkuara.
“E vetmja temë që kanë qenë në fokus të tyre është se ata janë të interesuar të defokusojnë nga kjo ku nuk kanë sukses, e këto janë të ashtuquajturat amendamente kushtetuese nën maskën e një të ardhmeje europiane.” – theksoi Mickoski.
Ai tha se ka përkrahur edhe deputetin Pavle Trajanov për të kërkuar njohjen e pakicës maqedonase në Bullgari, por nuk ka pasur mbështetje nga të tjerët.
“Ne duam që Bullgaria të respektojë vlerat europiane. Maqedonasit kanë hequr dorë shumë nga BE në 30 vitet e fundit dhe zhgënjimet janë të mëdha. Unë kam dy djem dhe nuk e di nëse njëri prej tyre do të largohet nga Maqedonia. Por unë dua që të dy të qëndrojnë dhe të fitojnë Europën dhe botën.” – ka shtuar Mickoski.
Ai shtoi se korniza e negociatave siç është nuk është rruga e duhur për në Europë. /Nistori/