Rreth 1200 pacientë, mes të cilëve edhe të sëmurë me kancer, kanë më shumë se gjashtë muaj që presin që t’iu lexohen rezultatet e tomografisë kompjuterike dhe rezonancës magnetike në Klinikën e Radiologjisë në Shkup, mëson jozyrtarisht “Fokus” nga burime spitalore, përcjell Nistori.
Sipas informacioneve tona, që nga janari e deri më tani nuk janë lexuar magneto rezonanca në kokë, qafë, shtyllë kurrizore dhe një sërë tomografish kompjuterike. Burimet tona pohojnë se në klinikë janë më shumë se 20 mjekë që mund të lexojnë 20 rezultate për tre ditë të gjithë rezultatet.
Siç mësuam, shumë pacientë, jeta e të cilëve varet nga këto rezultate, presin me muaj të tërë dhe mes tyre ka edhe pacientë me kancer, te të cilët duhet të reagohet menjëherë për të ditur se si do të vazhdojnë me terapinë. Ajo që është edhe më e frikshme në gjithë rrëfimin është se disa nga pacientët kanë vdekur në pritje të rezultateve.
PACIENTËT VDESIN DERI SA PRESIN T’U LEXOHEN REZULTATET E TYRE
“Fokus” ka biseduar me një nënë të një fëmije 17-vjeçar, e cila vitin e kaluar në Radiologjinë e Shkupit ka bërë magnet rezonancë në zemrën e vajzës së saj, por rezultati ende nuk është lexuar.
“Ajo që po ndodh atje është e tmerrshme. A e di dikush që pacientët vdesin duke pritur rezultatet. Ne kemi pritur për më shumë se gjashtë muaj për t’i lexuar ato. Nuk e kuptoj kaq shumë mjekëve se çfarë po u ndodh”, ka sqaruar e indinjuar nëna në një prononcim për “Fokus”.
Prej kohësh pacientë të shumtë reagojnë pranë institucioneve përmes ankesave, duke kërkuar mënyrën për të shpëtuar jetën e njerëzve të tyre të dashur, duke qenë se atje shkojnë pacientë që kanë probleme reale shëndetësore.
“Nëna ime vdiq duke pritur rezultatet. Kush do të jetë përgjegjës për këtë. Ajo që po ndodh atje është e tmerrshme. Le të bëhet diçka, dhe unë ligjërisht do të marr diçka kundër klinikës”, thotë një grua 33-vjeçare nga Shkupi.
Gjithashtu, disa nga pacientët me të cilët biseduam pohojnë se disa nga mjekët u kanë kërkuar 50 euro, nëse duan t’ua lexojnë rezultatet, gjë që është e tmerrshme.
“Fokus” iu drejtua edhe drejtoreshës së deritanishme të Klinikës së Radiologjisë, Gordana Belçeska, nga e cila kërkuam të sqarojë arsyen pse pacientët kanë më shumë se gjashtë muaj që presin që t’u lexohen rezultatet dhe pse po ndodh kjo.
Mirëpo, drejtoresha, pavarësisht se i lexoi pyetjet, nuk ka dhënë asnjë sqarim.
Ne kontaktuam edhe me Inspektoratin Shtetëror Sanitar Shëndetësor, ku pyetëm nëse kishin marrë ankesë nga disa pacientë. Prej aty morëm përgjigje pozitive.
“Më datë 24 06 2022, ISShI ka marrë një ankesë për një rezultat të papublikuar për një regjistrim të bërë në këtë institucion. Duke vepruar në bazë të ISHP-së dhe Ligjit për të Drejtat e Pacientëve, Fondi Shtetëror i Sigurimeve Shëndetësore, menjëherë (e hënë 27.06), ka kryer një inspektim të jashtëzakonshëm dhe ka konstatuar se ka rezultate të papublikuara të procedurave tashmë të kryera diagnostike”, thuhet në një deklaratë për “Fokus”, Dr. Irina Buhova, Drejtoreshë e Fondit Shtetëror të Sigurimeve Shëndetësore.
Ajo shton se Fondi Shtetëror i Sigurimeve Shëndetësore, pas inspektimit, i cili ka konstatuar mangësi në përputhje me kompetencat e Inspektoratit, ka nxjerrë vendim me të cilin institucioni ISHP për Radiologji obligohet të respektojë afatin e vlefshmërisë së referimeve të lëshuara.
“Rezultatet e ekzaminimeve radiologjike diagnostike të kryera duhet të dalin pas përfundimit të ekzaminimit në përputhje me mjekësinë e bazuar në dëshmi dhe të respektohen aktet e brendshme të përgjithshme nga punonjësit”, theksoi drejtori i Fondit Shtetëror të Sigurimeve Shëndetësore.
Në klinikë iu dhanë shtatë ditë kohë për të vepruar dhe për të lexuar të gjitha rezultatet e pacientëve. /Nistori/
