Pacientë të sëmurë me Kovid 19 çdo ditë hyjnë në spitalin modular në Strugë përmes hyrjes që është hapur në pronë private. Pronari thotë se i janë uzurpuar diku rreth 500 metra katror.
Kam skicat dhe të gjitha gjërat e tjera se hyrja gjendet në oborrin tonë dhe kjo neve na pengon. Këtu kalojnë njerëz të infektuar. Nuk mundemi fëmijët t’i nxjerrim në oborr. Çdo ditë ka nga dy a tre të vdekur dhe i nxjerrin këtu nga hyrja jonë. Nuk mund të hapim as dritare dhe asgjë. Krevatët për t’i ajrosur nga të vdekurit i nxjerrin këtu – tha Alim Cico, banor i Strugës.
Është e tmerrshme. E dini si është infektimi, ndërsa ne çdo ditë jemi të ekspozuar në rrezik. Ne jetojmë në katin e dytë dhe këtu ku është e thuirrur nuk ka as dy metra. Nga kati i dytë duket gjithçka – tha Denis Jusufoski- qytetarë.
Këtu nuk është vendi i përshtatshëm për ta bërë, por e bënë. Ngjiten në karrige dhe thërrasin nënat, baballarët që i kanë të sëmurë këtu në spital – deklaroi Vice Stefanoski.
Kanë dorëzuar kërkesë në spital në afat prej një jave ta mbyllin hyrjen. Nëse nuk e bëjnë, planifikojnë padi.
Më parë me makina i ndalonim mos hyjnë. E mbyllëm atë pjesë, por erdhën me polici – tha Agim Cico, banor i Strugës.
Drejtori i spitalit Armend Arsllani thotë se problemin duhet ta zgjidhin institucionet përkatëse sepse ai spitalin modular e ka gjetur kur ka ardhur në këtë pozitë. Ndryshe, Alsat para disa ditëve njoftoi se edhe pse ishte gati që në janar, spitali modular në përdorim u lëshua në fund të prillit. Drejtori i mëparshëm Muhamed Asani, nuk e ka nënshkruar vendimin për pranimin e tij sepse, siç tha, ka pasur disa lëshime të vogla. Në spital nuk ka pasur as aparate për fikjen e zjarrit, ndërsa drejtori i tanishëm thotë se janë sjellë aparate nga njësi tjera të spitalit, ndërsa në procedurë është blerja e aparateve të reja kundër zjarrit./Alsat/