Ministrja e Mbrojtjes Sllavjanka Petrovska së bashku me shefin e Shtabit të Përgjithshëm të Armatës, gjenera llejtënant Vasko Gjurchinovski, sot në Tetovë morën pjesë në ekspozimin e pajisjeve dhe aftësive ushtarake të pjesëtarëve të Armatës, në kuadër të Ditëve të Ushtrisë së Hapur, aktivitet i organizuar në disa qytete të vendit me rastin e 4-vjetorit të anëtarësimit në NATO dhe 75-vjetorit të themelimit të Aleancës.
Anëtarësimi në NATO, tha ministrja, është një synim jashtëzakonisht i rëndësishëm strategjik që ne e kemi arritur dhe jemi krenarë për të, dhe në këto ditë të hapura të Ushtrisë, qytetarët që kanë besimin më të madh në ushtrinë, mund të njihen me të, pajisjet dhe anëtarët e saj.
“Përmes këtij lloj aktiviteti ne dëshirojmë ta afrojmë Ushtrinë me qytetarët, të cilët gëzojnë besim të madh dhe kjo më gëzon. Duam t’u tregojmë qytetarëve se në çfarë po investojmë dhe se garantojmë sigurinë dhe stabilitetin e tyre”, tha ministrja.
Petrovska u shpreh e kënaqur me frekuentimin e madh dhe interesimin e tetovarëve për këtë ditë të hapur. Në Tetovë mund të shiheshin lloje të ndryshme të pajisjeve ushtarake, ekspozimin e aftësive dhe pajisjeve të forcave speciale, si dhe performancë e orkestrës ushtarake.
