Sulmet kibernetike kanë për qëllim rrëzimin e qeverive, kryesisht atyre me orientim perëndimor
Sulmet hibride synojnë të shkaktojnë rënien e qeverive, kryesisht ato që kanë orientim perëndimor. Këtë e theksoi ministrja e Mbrojtjes Sllavjanka Petrovska në emisionin “Click Plus” në TV21.
Sipas saj, është e qartë se sulmuesi nuk dëshiron që ne të kemi një Ballkan stabil dhe paqësor.
“Më shpesh, qëllimi i luftërave hibride apo sulmeve kibernetike është të prishin praktikisht jetën shoqërore, gjë që në fakt ndodh kur ka sulme të shpeshta. Gjithnjë e më shumë, kur knaqësia krijohet në një shoqëri, ajo plotësohet me pakënaqësi në një sferë tjetër. Qëllimi është të shkaktohet, në shumicën e rasteve, rënia e qeverive, më së shumti ato që janë të orientuara nga perëndimi”, tha Petrovska.
Petrovska: Dëbuam qytetarë rusë për përfshirje në politikat shtetërore të vendit
Petrovska tha se qytetarë rusë janë dëbuar për shkak të përfshirjes në politikat shtetërore të vendit. Sipas Petrovska, institucionet kishin edhe dëshmi për përfshirjen e tyre.
“Institucionet kanë ndërmarrë hapa dhe masa për të bërë të qartë se kanë dijeni për këtë lloj veprimi”, tha Petrovska. /Nistori/