Ndotja në det është kthyer në një problem për pinguinët në Antarktidë.
“Këta ndotës arrijnë në det dhe oqeane kryesisht përmes plehrave he mbeturinave nga aktivitetet antropike”, shpjegon Andres Barbosa, shkencëtar në Muzeun Kombëtar të Shkencave të Natyrës (MNCN-CSIC) dhe autor i veprës.
“Duke pasur parasysh praninë e ulët njerëzore në Oqeanin Antarktik dhe Antarktidë, kontaminimi i ulët nga mikroplastikat do të pritej në këto zona. Sidoqoftë, stacionet kërkimore, anijet e peshkimit dhe ato turistike si dhe rrymat oqeanike i bëjnë këto grimca të arrijnë në këto habitate, të cilat mund të shkaktojnë një përqendrim të lartë në nivelin lokal”, thotë Jose Xavier, studiues në Universitetin e Coimbra (Portugali).
Në punën e kryer nga një ekip ndërkombëtar i shkencëtarëve, u analizuan jashtëqitjet e tre specieve të pinguinit: Pygoscelis Adeliae, Pygoscelis Antarcticus dhe Pygoscelis Papua.
“Pinguinët përdoren për shumë studime sepse biologjia dhe ekologjia e tyre janë të njohura dhe fakti që ata janë grabitqarë i bën ata tregues të mirë të shëndetit të ekosistemeve në të cilat jetojnë”, sqaron Barbosa.
“Mikroplastikat u gjetën përkatësisht në 15, 28 dhe 29% të mostrave, në tre speciet e studiuara.” thotë Joana Fragão, një studiuese në Universitetin e Coimbra.
Është e nevojshme të vazhdohet studimi në këtë linjë për të kuptuar më mirë dinamikën e këtyre substancave dhe efektet e saj në këto ekosisteme për të drejtuar politikat e reja të menaxhimit në kontinentin Antarktik ”, përfundon Filipa Bessa, gjithashtu nga Universiteti i Coimbra.
